سوق كوم مصر وتجربة سيئة للشراء منهم

سوق كوم تقريبا اكبر براند موجود للبيع والشراء اون لاين او عبر الانترنت وامازون استحوذت عليها بصفقة بلغت 650 مليون دولار تقريبا لكن بالرغم من استحواذ امازون عليها مازالت بنفس السياسة وهي تأخير الاوردرات على الرغم من انها بتوفر اكثر من طريقة دفع ووصول المنتج للمكان المحدد لكن مشكلة مواعيد التسليم وان بعض الاوردرات بتبقى مرتبطة بمناسبة معينة وتأخيرها بسبب مشاكل وللأسف بعض موظفي الدغم اسلوبه مش كويس

سوق كوم
سوق كوم

تجربتي في الشراء من موقع سوق كوم ؟
مريت بتجربتين للشراء من موقع سوق اولى تجربة كانت في شهر مايو من العام الماضي 2016 كانت شراء موبيل بالرغم من تاخر الاوردر شوية لكنه مكنش مرتبط بمناسبة فمكنش فيه مشكلة بالنسبة لي
التجربة التانية كانت في شهر يوليو من العام الحالي 2017 وللأسف كانت تجربة سيئة جدا بداية من طلب الاوردر لقيت السعر 1250 وقت الاوردر ارتفع لـ 1299 جنية واثناء طلبه زاد المبلغ 10 جنية مش عارف السبب مع ان مكتوب الشحن مجاني وللعلم حصلت زيادة ال 10 جنية في الاوردر الاول طلبت الاوردر يوم السبت 1/7/2017 كتب الوصول المتوقع يوم 17/7 اتصلت بخدمة العملاء اكد ان اقصى مدة للطلب بتصل الى 5 ايام عمل ولو يوم السبت اجازة الاوردر هيكون موجود يوم الخميس كحد اقصى بناء على كلام موظف الدعم , تاني يوم للاوردر يوم 2 في الشهر بتابعه من خاصية تتبع المشتريات الموجودة بلوحة تحكم العضو في الموقع لقيت الموبيل وصل لمقر شركة الشحن في القاهرة توقعت وصولة في نفس اليوم او تاني يوم على اقصى تقدير لان المسافة بسيطة
موصلش الموبيل فتحت تذكرة دعم فني على موقع شركة ارامكس المسئولة عن التوصيل , بعدها بشوية وصلني رسالة من موقع سوق ان تم غلق التذكر وهما هيحلوها (رسالة مسجلة)
اتصلت بشركة ارامكس عشان اعرف ميعاد الوصول بعد معاناه لمرتين اتصال واكثر من 15 دقيقة انتظار تقريبا الموظفة قالت لي أقرب وصول للاوردر يوم السبت او الاحد وطبعا مع احتمالية التاخير , وأكدت ان احنا مبلغين شركة سوق كوم ان عندنا ضغط في توصيل الطلبات الخاصة بهم وان اي اوردر هيوصل في فترة من اسبوع الى اسبوعين
اتصلت على سوق كوم موظف قمة في البرود رد عليه وقالي هيوصل الخميس او الاسبوع القادم قولت له ازاي اكنسل الطلب قالي متستلموش بس خاصية الدفع عند الشراء هتتقفل من حسابك باسلوب قمة في البرود , بعد مجادلات وان انتوا اخرتوا الاوردر , مفيش فايدة
حاولت اكلمهم على صفحة الفيس بوك , الرد بيوصل بعد ايام اول رسالة بعتها لصفحتهم على الفيس بوك كانت بتاريخ الاثنين 04:16 م  ردهم وصلني الأربعاء 02:48 م وكان دا نص الرد “ممكن توضيح رقم الطلب و شكرا للتواصل معنا” بعد لهم رقم الاوردر موصلش اي رد للأن مع اني كاتب الموضوع دا يوم السبت الساعة 11.51
في يوم 6/7 كتبت تويته على موقع تويتر “تجربة شراء سيئة من @SouqEgypt , اليوم السادس” وكنت قبلها اتصلت بارمكس تاني وبلغتهم ميوصلوش الاوردر , شركة سوق اتصلت عليه وحبت تعوضني بسلعة اعلى في السعر وهما يتحملوا التكاليف , لكنهم مش قادرين يفهموا ان المشكلة في الميعاد وتاخر الاوردر هو المشكلة , رفض وبعدها عملت تويته تاني بهشتاج @سوق_كوم اتصال تاني وتاكيد ان الغلط مش عندهم
https://twitter.com/hashtag/%D8%B3%D9%88%D9%82_%D9%83%D9%88%D9%85?src=hash
ولقيت اكثر من شخص بيشتكي من نفس المشكلة وهي تاخر الاوردرات , اتمنى الشركة تحسن خدمتها وتفهم ان الوقت مهم بالنسبة للعملاء , وان توضح سبب زيادة سعر المنتج ولو فعلا ال 10 جنية الي بيزودوها دي مصاريف الشحن تصارح العملاء بكدا بدل كلمة الشحن مجاني